- २३ बैशाख २०८३, बुधबार / May 6, 2026
काठमाण्डौ । मोरङको ग्रामथानस्थित माछा पोखरीमा नुहाउने क्रममा डुबेर दुई बालिकाको ज्यान गएको छ । पोखरीमा डुबेर ग्रामथान–२ खुनियाकट्टाका घनश्याम माझीकी छोरी १२ वर्षीया समीक्षा माझी र मनोज खवासकी छोरी १० वर्षीया रेजिना खवासको ज्यान गएको हो ।
जिल्ला प्रहरी कार्यालय मोरङका प्रवक्ता प्रहरी नायब उपरीक्षक रञ्जनकुमार दाहालका अनुसार दुवै बालिकालाई माछा पोखरीमा डुबेर गम्भीर घाइते भएको अवस्थामा बिहान साढे ११ बजेतिर स्थानीयले फेला पारेको बताए ।
पोखरीमा डुबेर घाइते भएका उनीहरुलाई प्रहरी र स्थानीयले उद्धार गरेर उपचारका लागि विराटनगरस्थित कोशी अस्पताल ल्याइएको थियो । उनीहरुलाई अस्पताल पुर्याउनासाथ डाक्टरले मृत घोषणा गरेको हुन् ।
