बेलायतको आर्थिक वृद्धिदर एक प्रतिशतले मात्र बढ्ने अनुमान

एजेन्सी । बेलायतको आर्थिक वृद्धिदर एक प्रतिशतले मात्र बढ्ने अनुमान गरेको छ । बेलायतको पब्लिक फाइनान्स वाचडग अफिस फर बजेट रेस्पोन्सिबिलिटी (ओबीआर) ले हाल सालै निकालेको तथ्याङ्क अनुसार २०२५ मा एक प्रतिशतले मात्र बढ्ने अनुमान गरेको छ ।

बेलायतको वार्षिक उपभोक्ता मूल्य सूचकाङ्क (सीपीआई) मुद्रास्फीति पनि अघिल्लो वर्ष दुई दशमलव पाँच प्रतिशतबाट यो वर्ष तीन दशमलव दुई प्रतिशतमा पुग्ने प्रक्षेपण गरिएको छ जुन अक्टोबरको प्रक्षेपण भन्दा शून्य दशमलव ६ प्रतिशतले बढी हो ।

यो वर्षका लागि आफ्नो वृद्धि प्रक्षेपणलाई परिमार्जन गरेको बेलायती अर्थमन्त्री रेचेल रिभ्सले हाउस अफ कमन्समा पुष्टि गरेका छन् । विश्वव्यापी व्यापार विवाद बढ्दै गएमा बेलायतको कुल गार्हस्थ्य उत्पादन (जीडीपी) एक प्रतिशतले घट्न सक्ने ओबीआरले उल्लेख गरेको छ ।