- ३१ असार २०८३, बुधबार / Jul 15, 2026
युक्रेन। युक्रेनका राष्ट्रपति भोलोदिमिर जेलेन्स्कीले रुसविरुद्धको लडाइँमा प्रत्यक्ष संलग्न हुन साझेदार देशहरूलाई अपिल गरेका छन् । रुसलाई परास्त गर्न आफूले साझेदार देशहरूबाट प्रत्यक्ष संलग्नताको अपेक्षा गरेको पनि उनले बताए ।
कतारी सञ्चारमाध्यम अल जजिराका अनुसार जेलेनेस्कीले सबैजसो पश्चिमा हतियारको प्रयोगको अनुमति दिन पनि माग गरेका छन् । रुसले सन् २०२२ मा आक्रमण शुरु गरेदेखि युक्रेनमा हजारौँ मिसाइल र ड्रोनहरू प्रहार गरेको छ ।
रुसले युक्रेनविरुद्ध तीन सय वटा विमान प्रयोग गरिरहेको बताउँदै जेलेनेस्कीले रुसविरुद्ध आकाशमै प्रतिरोध गर्न कम्तीमा एक सय ३० वटाभन्दा धेरै लडाकु विमान चाहिएको र यो सहयोग नाटो तथा पश्चिमा देशले गर्न सक्ने उनको भनाइ छ ।
