बाजुरामा एक महिलाको हत्या

बाजुरा । बाजुराको बडिमालिका नगरपालिका–६ कोर्धकी ४५ वर्षीया धौली बडुवालको हत्या भएको छ ।

जिल्ला प्रहरी कार्यालय बाजुराका अनुसार बुढाकोर्ध लेकमा गाईवस्तु हेर्न गोठमा बस्दै आएकी बडुवाललाई आफन्तले मृत अवस्थामा फेला पारेका थिए ।

घटनाको अनुसन्धानका लागि प्रहरीले ३ जनालाई पक्राउ गरेको छ । जिल्ला प्रहरी कार्यालय बाजुराका प्रमुख डीएसपी दिलिपकुमार गिरीका अनुसार धौलीको टाउको र अनुहारमा गम्भीर चोट देखिएको छ । उनी बस्ने गोठको ढोका नजिकै रगत पनि देखिएको छ ।

प्रारम्भिक अनुसन्धानमा कुटपीटबाट धौलीको हत्या भएको देखिएको प्रहरीले जनाएको छ । उनको शव पोस्टमार्टमका लागि जिल्ला अस्पताल बाजुरामा राखिएको छ ।