- १२ जेष्ठ २०८३, मंगलवार / May 26, 2026
अमेरिका–इरान दुई हप्ताको युद्धविरामपछि विश्व बजारमा सकारात्मक प्रभाव
कच्चा तेलको मूल्य १५% घटेर ९२ डलर प्रतिब्यारेल आसपास
विश्वभरका प्रमुख शेयर बजारमा उल्लेखनीय वृद्धि
हर्मुज जलमार्ग खुल्ने संकेत, तर अवस्था अझै पूर्ण सामान्य छैन
पाकिस्तानको मध्यस्थतामा इस्लामाबादमा अमेरिका–इरान वार्ता हुने तयारी
काठमाडौँ, २६ चैत्र । अमेरिका र इरान बीच दुई हप्ताको अस्थायी युद्धविराम घोषणा भएपछि विश्व अर्थतन्त्रमा तत्काल सकारात्मक प्रभाव देखिन थालेको छ। बेलायती सञ्चारमाध्यम द गार्जियन का अनुसार तेलको मूल्य तीव्र रूपमा घटेको छ भने विश्वभरका शेयर बजारहरूमा उत्साह देखिएको छ।
अन्तर्राष्ट्रिय बजारमा कच्चा तेलको मूल्य झण्डै १५ प्रतिशतले घटेर प्रति ब्यारेल ९२ डलर आसपास पुगेको छ। यो गिरावट कोरोना महामारी शुरू भएयताको सबैभन्दा ठूलो दैनिक गिरावट मानिएको छ। युरोपेली ग्यासको मूल्य पनि झण्डै २० प्रतिशतले घटेको जनाइएको छ।
युद्धविरामको घोषणापछि जापान, दक्षिण कोरिया, अमेरिका र युरोप का प्रमुख शेयर बजारहरूमा उल्लेखनीय वृद्धि भएको छ। यसैबीच अमेरिकी डलर अन्य मुद्राको तुलनामा केही कमजोर बनेको छ। हर्मुज जलमार्ग पुनः खुल्ने संकेत देखिए पनि अवस्था पूर्ण रूपमा सामान्य भइनसकेकाले हजारौँ जहाजहरू अझै अनुमति पर्खेर बसेका छन्।
अन्तर्राष्ट्रिय मुद्राकोष ले मध्यपूर्व युद्धको आर्थिक असर केही समयसम्म कायम रहने चेतावनी दिएको छ। लगानी, व्यापार र रोजगारी क्षेत्रमा दीर्घकालीन प्रभाव पर्न सक्ने सम्भावना रहेको जनाएको छ। युद्धविरामले बजारमा तत्काल राहत ल्याए पनि ऊर्जा आपूर्ति र व्यापारमा दीर्घकालीन स्थायित्व अझै चुनौतीपूर्ण रहेको विशेषज्ञहरूको भनाइ छ।
यसैबीच पाकिस्तान को मध्यस्थतामा भोलि इस्लामाबाद मा अमेरिका र इरानबीच वार्ता हुने तयारी भएको छ। सहबाज सरिफ ले वार्ताका लागि दुवै देशका प्रतिनिधिहरूलाई निमन्त्रणा दिएका छन्। चीन ले पनि पाकिस्तान, टर्की र इजिप्ट सँग मिलेर मध्यस्थताको प्रयास गरिरहेको अन्तर्राष्ट्रिय सञ्चारमाध्यमहरूले जनाएका छन्।
उता इजरायल ले लेबनान मा पुनः ठूलो आक्रमण गरेको कतारी सञ्चारमाध्यम अल जजिरा ले जनाएको छ। राजधानी बेरुत लगायत क्षेत्रमा भएको आक्रमणमा कम्तीमा २५४ जनाको मृत्यु भएको खबरमा उल्लेख छ।
