- ३० असार २०८३, मंगलवार / Jul 14, 2026
एजेन्सी, १३ पुष । युक्रेनको राजधानी किएभमा रुसले क्षेप्यास्त्र र ड्रोनद्वारा आक्रमण गरेको छ। यसले रुस शान्ति प्रक्रियाप्रति गम्भीर नभएको स्पष्ट सन्देश दिएको युक्रेनी राष्ट्रपति भोलोदिमिर जेलेन्स्कीले बताउनुभएको छ।
बीबीसीका अनुसार आक्रमणमा कम्तीमा दुई जनाको ज्यान गएको छ भने ३२ जना घाइते भएका छन्। आक्रमणका कारण किभ र आसपासका क्षेत्रमा करिब ४० प्रतिशत आवासीय भवनमा विद्युत् आपूर्ति अवरुद्ध भएको युक्रेनी अधिकारीहरूले बताएका छन्।
यसैबीच, रुसको रक्षा मन्त्रालयले युक्रेनको सैन्य संरचनासँग सम्बन्धित ऊर्जा केन्द्रहरूमा ‘सटीक हतियार’ प्रयोग गरिएको दाबी गरेको छ। युक्रेनी आपतकालीन सेवाले वृद्धाश्रमबाट ६८ जनाको उद्धार गरेको जानकारी दिएका छन्।
आक्रमणपछि राष्ट्रपति जेलेन्स्की अमेरिका प्रस्थान गर्नुभएको छ। उहाँले अमेरिकी राष्ट्रपति डोनाल्ड ट्रम्पसँग २० बुँदे नयाँ शान्ति योजनाबारे छलफल गर्ने कार्यक्रम तय भएको छ।
