रुसका पाँच पर्वतारोहीको शव उठाउन र ल्याउन समस्या

काठमाण्डौ । पाँच पर्वतारोहीको शव अझै संकलन भइसकेको छैन् । धवालागिरि हिमाल आरोहणका क्रममा ज्यान गुमाएका आरोहीको शव एक हप्ता भइसक्दा पनि सङ्कलन हुन नसकेको हो । प्रतिकुल मौसम र भूगोलका कारण धौलागिरि हिमालबाट शव ल्याउने प्रयास सफल नभएको जिल्ला प्रहरी कार्यालय म्याग्दीले जनाएको छ ।

सात हजार एक सय मिटर उचाइमा मृत भेटिएका रुसका पाँच पर्वतारोहीको शव उठाउन र ल्याउन समस्या भएको हो । अनुकुुल मौसम भएमा सोमबार शव ल्याउन हेलिहप्टरमा उद्धार टोली पठाउने प्रहरीले जनाएको छ ।

नौ पर्वतारोही बिचमै आरोहण रद्द गरेर फर्किएका थिए । विश्वको सातौँ अग्लो धवलागिरि हिमाल म्याग्दीको धवलागिरि गाउँपालिका–४ मा पर्छ ।

आधार शिविरमा बास बसेर धौलागिरि आरोहणका लागि गएका उनीहरु गएको असोज २१ देखि सम्पर्कबिहिन भएकोमा २३ गते शव भेटिएको थियो । ‘आइ एम ट्रेकिङ एण्ड एक्सपीडिसन’मार्फत रुसका १४ पुरुष पर्वतारोही धौलागिरि हिमाल आरोहणका लागि गएका थिए ।