- २६ आश्विन २०८३, सोमबार / Oct 12, 2026
काठमाडौं, १७ फागुन । मौसम पूर्वानुमान महाशाखाका अनुसार हाल नेपालमा उपल्लो वायुमण्डलमा पश्चिमी न्यूनचापीय प्रणालीको आंशिक प्रभाव कायम रहेको छ । उक्त प्रणालीका कारण देशका विभिन्न भूभागमा मौसम आंशिक बदलीदेखि सामान्यतया बदली रहने सम्भावना रहेको जनाएको छ ।
महाशाखाका अनुसार कोशी प्रदेश, गण्डकी प्रदेश र कर्णाली प्रदेश का हिमाली क्षेत्रमा आज चट्याङ्गसहित हल्का वर्षा तथा हिमपातको सम्भावना रहेको छ । साथै कोशी र गण्डकी प्रदेशका पहाडी भूभागका एक–दुई स्थानमा पनि हल्का वर्षा हुन सक्ने अनुमान गरिएको छ ।
हाल देशका पहाडी तथा हिमाली क्षेत्रमा आंशिकदेखि सामान्य बदली रहेको छ भने तराईका केही स्थानमा तुवाँलो लागेको अवस्था छ । दिउँसो तराईका थोरै स्थानमा बिहानको समयमा हुस्सु लाग्ने सम्भावना रहेको छ । हिमाली क्षेत्रमा सामान्य बदली, पहाडी क्षेत्रमा आंशिक बदली र बाँकी भूभागमा मौसम मुख्यतया सफा रहने महाशाखाले जनाएको छ ।
आज राति पनि तराईका केही स्थानमा तुवाँलो लाग्नेछ । त्यस्तै कोशी, गण्डकी र कर्णाली प्रदेशका हिमाली क्षेत्रमा सामान्य बदली रहने तथा अन्य हिमाली र पहाडी क्षेत्रमा आंशिक बदली रहने सम्भावना रहेको छ ।
महाशाखाले यी प्रदेशका हिमाली क्षेत्रमा एक–दुई स्थानमा चट्याङ्गसहित हल्का वर्षा र हिमपात हुन सक्ने भएकाले आवश्यक सतर्कता अपनाउन आग्रह गरेको छ ।
