- ५ कार्तिक २०८३, बिहीबार / Oct 22, 2026
काठमाडौं । तालिबानीहरु अफगानिस्तानको नेतृत्वमा आएपछि बन्द भएको भातदीय दूतावास भारत सरकारले राजधानी काबुलमा आफ्नो राजदूतावास पुनः सञ्चालनमा ल्याएको छ। कम्तिमा १ हजार मानिसको मृत्यु हुने गरी बुधबार अफगानिस्तानमा शक्तिशाली भूकम्प गएर मानवीय क्षति भएपछि राहात वितरण कार्य सञ्चालन गर्न र आफ्नो कुटनीतिक कार्यहरु अगाडी बढाउन भारतले दूतावास सञ्चालनमा ल्याएको हो ।
भारत सरकारले पठाएको राहत प्रभावित क्षेत्रमा पुगिसकेको भारतीय अधिकारीहरुले बताएका छन् । तानीबानी नेतृत्वसंग भारत सरकारले जुन २ मा छलफल गर्दै सुरक्षाको प्रत्याभूति हुने भएपछि पुनः दूतावास खोल्न तयार भएको भारतीय सञ्चारमाध्यमले जनाइरहेका छन् ।
तालिबानीको सत्ता कब्जापछि बन्द भएकामध्ये हालसम्म भारतसहित १५ देशले पुनः दूतावास सञ्चालन गरिसेको बताइन्छ । अफगानिस्तानमा तालिबानीहरुले सत्ता नियन्त्रणमा लिएपछि विश्वका धेरै देशहरुलेले आफ्ना दूतावास बन्द गरेका थिए।
