अमेरिका इरानको सम्बन्ध सुधारको संकेत

काठमाडौं । अमेरिकाले इरानमाथि लगाइएका प्रतिवन्धहरू खुकुलो बनाउदै गएको छ । इरानसँगको सन् २०१५ को आणविक सम्झौतालाई पुर्नजीवित गर्न उस्ले इरानमाथि लगाइएका केही प्रतिबन्ध खुकुलो बनाउदै गएको हो । अमेरिकी र इरानी कूटनीतिज्ञहरूको संयुक्त विस्तृत कार्ययोजनालाई पुर्नस्थापित गर्ने प्रयासमा कतारमा दुवै देशका अधिकारीहरूबीच अनौपचारिक वार्तासमेत भएको जनाइएको छ ।

उक्त वार्तामा बहुपक्षीय सम्झौता गरी इरानमाथि लगाइएका प्रतिवन्धहरू क्रमश : हटाउन अमेरिका सहमत भएको जनाइएको छ । सम्झौतासँगै इरान युएई र हङकङमा रहेका धेरै व्यक्ति र फर्ममाथि लागेको आरोप पुष्टि नहुने बताइएको छ ।आणविका सम्झौता पुर्नविचार गर्ने बारेमा इरानलाई दबाब दिन अमेरिकाले पूर्वी एसियामा अमेरिकी अनुमोदित इरानी पेट्रोलियम र पेट्रो केमिकल उत्पादन र बिक्री गर्न सहज भएको छ ।

अमेरिकाको यो कदमसँगै राष्ट्रपति जो बाइडेनको आगामी हप्ता हुने इजरायल र साउदी अरबको भ्रमणसँगै इरानसँगको सम्झौता पुनर्जीवित गर्ने सम्भावना कम भएको विश्लेषकहरूले बताएका छन् । अमेरिकाले यसअघि ती मुलुकका केही व्यक्ति र फर्महरूलाई सयौं मिलियन डलरको इरानी पेट्रोलियम पदार्थ इरानी कम्पनीहरूबाट ढुवानी र बिक्रीमा सहयोग गरेको आरोप लागेको थियो ।