अमेरिकामा प्रहरी अधिकारीले गरे १३ वर्षीय किशोरको गोली हानी हत्या

अमेरिका । न्युयोर्कका एक प्रहरी अधिकारीले एक किशोरलाई गोली हानी हत्या गरेका छन् । प्रहरीले पिछा गरेपछि ती किशोरले पेलेट गन देखाएको प्रहरी अधिकारीको दाबी छ। प्रहरीले १३ वर्षीय एसियाली पुरुषको रूपमा पहिचान गरेको किशोरलाई शुक्रबार राति रोकेपछि उनी भागेका थिए ।

प्रहरीकाअनुसार ती किशोरले हतियार देखाएपछि एक अधिकारीले उनलाई गोली हानेका हुन्। उनको स्थानीय अस्पतालमा लगिएपछि मृत्यु भएको प्रहरीले जनाएको छ । प्रहरी अधिकारीले १३ वर्षीय किशोरलाई किन रोके भन्ने कुनै कारण खुलाइएको छैन। प्रहरीले आयोजना गरेको पत्रकार सम्मेलनमा समेत संलग्न अधिकारी र किशोरको नाम खुलाइएको छैन ।

युटिकाका मेयर माइकल पी ग्यालिमेले पुलिस ब्रिफिङपछि दोभाषेको सहयोगमा परिवारका सदस्यहरूसँग कुरा गर्ने प्रयास गर्दा किशोरकी आमा विचलित देखिइन् । अमेरिकी मिडियाले उक्त किशोरको परिवार म्यानमारबाट आएका शरणार्थी भएको बताएको छ । एजेन्सी