आरसीटी र एनआरटी उपत्यका बाहिर मैदन हेर्दै

१४ असार २०७७ धार्के । नेपाली फुटबलमा लामो इतिहास बोकेका रानीपोखरी कर्नर टिम (आरसीटी) र न्युरोड टिम (एनआरटी) क्लब नेपाली फुटबल क्षेत्रमा अग्रपंत्तिका नाम हुन् ।

बढ्दो सहरीकरण र अतिक्रमणको चपेटामा टुँडिखेल परेपछि काठमाडौंसँगै जोडिएको धादिङको धुनिबेँसी नगरपालिकास्थित धार्केमा अभ्यास मैदान र एकेडेमी बनाउने तयारीमा यी क्लव जुटेका छन् । राष्ट्रिय खेलकुद परिषद् (राखेप) सदस्यसचिव रमेशकुमार सिलवालको समन्वय र अखिल नेपाल फुटबल संघ (एन्फा)को पहलमा आरसीटी र एनआरटीले करिब ३३ रोपनी क्षेत्रफलको मैदानलाई एकेडेमीका रूपमा विकास गर्ने तयारी थालेका हुन् ।

दुवै क्लबका पदाधकारीले फुटबल मैदानको निरीक्षण समेत गरेका छन् । फुटबलको आधुनिकतालाई आत्मसात् गर्न राजधानी छाड्नुको विकल्प नभएको ठहरमा रहेका यी दुबै क्लवले नयाँ सोच बनाएका छन् । ६ पटकको ‘ए’ डिभिजन लिग विजेता आरसीटी र चार पटकको विजेता एनआरटीले आफ्नो सोच परिवर्तन गरेका हुन ।