- १३ जेष्ठ २०८३, बुधबार / May 27, 2026
काठमाडौं । एमालेका सांसदहरुले अध्यक्ष ओलीप्रति संसदीय मर्यादाविपरीत शब्द प्रयोग गरेको भन्दै अवरुद्ध गरेको प्रतिनिधिसभाको बैठक फेरी सुचारु भएको छ ।
बिहान ११ बजे सुरु भएको प्रतिनिधिसभाको बैठकमा उद्योग वाणिज्य तथा आपूर्ति मन्त्री दिलेन्द्र प्रसाद बडूले एमाले अध्यक्ष केपी शर्मा ओलीको घोचेरै आलोचना गरेका थिए ।
बिहीबार ओलीले ३ घण्टा लगाएर दिएको मन्तव्यमा सरकारको ठूलो आलोचना गरेको भन्दै जवाफ दिने क्रममा मन्त्री बडुले पनि आलोचना गरेका थिए ।
उनको अभिव्यक्ति संसदको रेकर्डबाट हटाउन माग गर्दै एमाले सांसदहरुले संसदमा अवरोध गरेका थिए ।
त्यसपछि सभामुखले संसद बैठक १५ मिनेटका लागि स्थगित गरे । रोकिएको बैठक २ घण्टापछि सुरु भएको हो । सभामुख सापकोटाले मन्त्रीले दिएको असंसदीय शब्द हटाउन रुलिङ गरेपछि बैठक सुरु भएको हो ।
