- १७ असार २०८३, बुधबार / Jul 1, 2026
काठमाडौं । केही दिन अघि गोलिकाण्ड मच्चिएको टेक्सस राज्यको विद्यालयमा अमेरिकी राष्ट्रपति जो बाइडेनले भ्रमण गरेका छन् । २१ जनाको ज्यान जानेगरी भएको सो नरसंहारको निरीक्षणका लागि उनी भ्रमणमा गएका हुन ।
राष्ट्रपति बाइडेन र अमेरिकी प्रथम महिला जिल बाइडेनले सो विद्यालयको भ्रमण गरेको अमेरिकी प्रशासन ह्वाइट हाउसले जनाएको छ ।
उनीहरुले उक्त नरसंहारमा परी ज्यान गुमाएकाहरूप्रति श्रद्धाञ्जली अर्पण गरे भने उनीहरुका परिवारलाई समवेदना व्यक्त गरेका छन् ।
टेक्सस राज्यमा रहेको प्राथमिक विद्यालयमा भएको गोली काण्डमा परी २१ जनाको ज्यान गएको थियो । गत मंगलबार दिउँसो भएको घटनामा मारिनेमा १८ जना बालबालिका समेत रहेका थिए ।
घटनामा कैयौँ घाइते भएका थिए । टेक्सस राज्यको युभाल्डेस्थित रोब प्राथमिक विद्यालयमा एकजना किशोरले गोली चलाउँदा उक्त घटना भएको हो ।
