- १२ भाद्र २०८३, शुक्रबार / Aug 28, 2026
काठमाडौँ । प्रधानमन्त्री पुष्पकमल दाहालसँग राष्ट्र संघका उपमहासचिवले शिष्टाचार भेटवार्ता गरेका छन् । बुधबार विहान राष्ट्र संघको शान्ति सेनासम्बन्धी विभाग हेर्ने उपमहासचिव जिन–पिरे ल्याक्रोइक्सले भेटवार्ता गरेका हुन ।
उपमहासचिव ल्याक्रोइक्स चार दिने भ्रमणमा मंगलबार काठमाडौँ आइपुगेका हुन् । मंगलबार नै उनले नेपाली सेनाका प्रधान सेनापति प्रभुराम शर्मासँग जंगी अड्डामा शिष्टाचार भेट गरेका थिए ।
उक्त भेटमा आपसी चासोका विषयहरुमा छलफल भएको नेपाली सेनाले जनाएको छ । प्रधानमन्त्री संगको भेटमा नेपाल र संयुक्त राष्ट्र संघबीचको साझेदारी तथा शान्ति सेनामा नेपालको योगदानका विषयमा छलफल भएको प्रधानमन्त्रीको सचिवालयले जनाएको छ ।
