एम्बुलेन्स पल्टिँदा सिन्धुपाल्चोकमा एक महिलाको मृत्यु

काठमाडौं । सिन्धुपाल्चोकमा एम्बुलेन्स पल्टिँदा एक जनाको ज्यान गएको छ । सिन्धुपाल्चोकको सुनकोशी गाउँपालिका वडा नम्बर ७ को दुई किलोमा एम्बुलेन्स पल्टिँदा एक जनाको ज्यान गएको हो । दुर्घटनामा घरमा सुतिरहेकी ७५ वर्षकी मनमाया खड्काको ज्यान गएको सिन्धुपाल्चोक प्रहरीले जनाएको छ ।

बा २० च ६३२७ नम्बरको एम्बुलेन्स घरमा पल्टिँदा त्यही घरमा सुतिरहेकी खड्काको ज्यान गएको हो । एम्बुलेन्सका चालक भागेको र चालकको तीव्र खोजी भइरहेको सिन्धुपाल्चोक प्रहरीले जनाएको छ । गम्भीर घाइते भएकी खड्काको उपचारका क्रममा बाह्रबिसेमा ज्यान गएको जनाइएको छ ।