कतारको दोहामाहमास नेता र इरानी विदेशमन्त्रीबिच कतारमा भेटवार्ता

दोहा । इरानका विदेशमन्त्री होसैन अमीर–अब्दुल्लाहियन र हमास नेता इस्माइल हानियाबिच कतारमा भेटवार्ता भएको छ । हमासको बयानमा अमीर–अब्दुल्लाहियनले आफ्नो लक्ष्य पुरा गर्नका लागि समूहलाई साथ र सहयोग जारी राख्ने सहमति जनाएको समाचार एजेन्सी रोयटर्सले जनाएको छ ।

इजरायल र हमासबिचको द्वन्द्वको आज आठौँ दिन हो । इजरायलले एक हप्ताअघि हमासले आक्रमण गरेको थियो जसमा कम्तीमा १३ सय जना मारिएका छन् । कयौँ इजरायली नागरिक अझै पनि हमासको कब्जामा रहेको बताइएको छ । उता, इजरायलले गाजामा गरेको जवाफी सैन्य कारबाहीमा कम्तीमा २२ सय जना मारिएका छन् ।

कतारको दोहामा दुई नेताबिच भएको भेटमा अब्दुल्लाहियानले एक हप्ता अघि इजरायलमा गरिएको हमासको आक्रमणलाई ‘ऐतिहासिक जीत’ भएको बताउँदै त्यसको प्रशंसा गरेको बताइएको छ । इरानको आधिकारिक समाचार एजेन्सी इरनाले दुई नेताबिच भएको भेटघाटको एउटा भिडियो पनि साझा गरेको छ ।