- १६ जेष्ठ २०८३, शनिबार / May 30, 2026
कर्णाली । कर्णाली प्रदेशसभा बैठक बुधबारसम्मका लागि स्थगित भएको छ । मुख्यमन्त्री जीवनबहादुर शाहीले विश्वासको मत लिने प्रयोजनका लागि बोलाइएको बैठक मत विभाजनमा प्रवेश नगरी स्थगित भएको हो ।
बैठकमा मुख्यमन्त्री शाहीले विश्वासको मतसम्बन्धी प्रस्ताव पेश गरेका छन् । बैठक सुरू भएलगत्तै सभामुख राजबहादुर शाहीले संसद आह्वानका लागि प्रदेश प्रमुखले पठाएको पत्र वाचन गरेर सुनाएका थिए ।
मुख्यमन्त्रीले विश्वासको मतको लागि प्रस्ताव पेस गरेपछि बैठक स्थगित गरिएको छ । बैठक बुधबार दिउँसो १ बजे बस्ने सचिवालयले जनाएको छ ।
प्रमुख विपक्षी दल नेकपा एमालेका सांसदहरु पार्टी महाधिवेशनका सिलसिलामा चितवनमै भएकाले मंगलबारको बैठक स्थगित गरिएको प्रदेशसभा सचिवालयले जनाएको छ । मुख्यमन्त्री शाहीले भोलि विश्वासको मत लिने बताइएको छ ।
