- १४ श्रावण २०८३, बिहीबार / Jul 30, 2026
१६ साउन काठमाडौं । विकट कर्णाली अर्थात राकम कर्णालीका विनोद कुमार माझी गुल्मीमा कर अधिकृत भएर सेवा गरिरहेका छन् । गुल्मीमा नै कर सेवा कार्यालय सञ्चालन भएपछि स्थानीयवासी खुशी मात्रै भएका छैनन्, घर आगनबाटै करसम्बन्धी सेवा लिनपाउदा पाल्पा जानुपर्ने बाध्यता हटेको छ ।
जिल्लामा कर कार्यालय नहुँदा बषौ देखि बाहिर जिल्ला जानु पर्ने बाँध्यता कायम थियो । जिल्लामा रहेका करदाताहरुको सेवालाई मध्यनजर गर्दै करदाता सेवा कार्यालय सञ्चालनमा आएसँगै व्यवसायीहरु हर्षित भएको अधिकृत विनोद कुमार माझी बताउछन् । जिल्लामै करदाता सेवा कार्यालय सञ्चालन भएपछि व्यवसायी औधि खुशी भएका छन् । धेरै खर्च गरेर जोखिमपुर्ण यात्राका साथ कर तिर्न पाल्पा बुटवल जानुपर्ने बाध्यता हटेर गएको व्यवसायीको भनाई छ ।
कोरोना भाइरसका कारण भएको लकडाउनले कर तिर्नं नपाएका व्यवसायी तम्घासबाटै कर तिर्न पाउँदा आनन्दको अनुभुति भएको बताउछन् । जिल्लामा बुधबार देखि कर कार्यालय सञ्चालनमा आएको हो । नेपाल सरकार मन्त्रिपरिषद्को २०७६ पुसको निर्णयबाट गुल्मी सदरमुकाम तम्घासमा कर कार्यालय स्थापना भएको हो । रेसुङ्गा नगपालिका–१ क्याम्पसरोडमा कार्यालय स्थापना भएपछि बुधबार देखि सेवा प्रारम्भ भएको छ ।
आन्तरिक राजस्व कार्यालय बुटवलकै कार्यक्षेत्र अन्तर्गत गुल्मीमा करदातालाई यसले सेवा प्रवाह गर्ने कार्यालय प्रमुख विनोद कुमार माझीले बताए । सेवा प्रवाह, बजार अनुगमन, व्यवसायलाई करमा दर्ता, कर संकलन, कर शिक्षाका साथै व्यवसाय खारेज गर्ने लगायतका सेवाहरु शुरु गरिएको माझीले जानकारी दिए ।
सेवाग्राही व्यवसायीले तिर्ने राजस्व भन्दा यताउता जाँदा आउँदाको खर्च बढी हुने भएकाले सेवाग्राही मर्कामा परेका थिए भने अव करदाता सेवा कार्यालय तम्घास मै संचालन भएदेखि सिङ्गो जिल्लावासी नै खुसी भएको माझीले बताए । गुल्मीमा १७ हजार करदाताहरु रहेको करदाता सेवा कार्यालय गुल्मीको तथ्याङ्क छ ।
