कुभिण्डो जात्रा

काठमाडौं । हरेक वर्ष विजया दशमी टीकाको भोलि पल्ट एकादशीको दिन भूईफसी पालेगु जात्रा (कुभिण्डो काट्ने जात्रा) मनाईने चलन छ ।

कुटु थरका गुठीयारले लायकूबाट विभिन्न भाला, तरबार बोकेर युद्धको लागि गरिने अभ्यास गर्दै ईनाय टोल, दुई पोखरी दिगु भैरव परिक्रममा गरी बालकुमारी मन्दिर परिसरमा कुभिण्डो काट्ने प्रचलन रहेको छ ।

मध्यपुर ठीमी लाय्कूदरबारबाट पापाकुङ्शा एकादशीका दिन मनाइने कुभिण्डो जात्रा मनाइएको हो । थिमिमा हरेक वर्ष बाजागाजासहित यो जात्रा मनाइन्छ । कुभिण्डोलाई जात्रा गरी गुठीयारहरुले तरवार, खुदा, ढाल, लिएर लाय्कू, दुईपोखरी, दिगुभैरव घुमेर पुन लाय्कू,

मरुटोलहुँदै बालकुमारीमा पुगेर नायो पमा (पमा नाइके) बाट खुदाले कुभिण्डो काट्ने प्रचलन छ । कुभिण्डो जात्रामा बालकुमारी र नारायणीको मूर्ति परिक्रमा गरिँदै बालकुमारी र नारायणीको मूर्ति परिक्रमा गराउने चलन छ ।

कुभिण्डोलाई लायकू दरबारबाट जात्रा गरी इनायलाछी, दुईपोखरी, दिगु भैरव परिक्रमा गरी दथुटोल, मरुटोल हुँदै बालकुमारी मन्दिर परिक्रमा गरी मन्दिर परिसरमा कुभिण्डो काट्ने प्रचलन छ ।