- १० कार्तिक २०८३, मंगलवार / Oct 27, 2026
काठमाडौं । कोभिड–१९को पहिचान, परीक्षण, उपचार र रोकथामका लागि सरकारले चीनसंग अत्यावश्यक सामग्रीहरु माग गरेको छ । नेपाललाई आवश्यक सामग्री सहयोग गर्न तयार रहेको चीनले बताएको छ ।
स्वास्थ्य तथा जनसंख्या मन्त्री भानुभक्त ढकालको अध्यक्षतामा बसेको बैठकले स्वास्थ्य सेवा विभागअन्तगर्त अत्यावश्यक उपकरण र सामाग्रीको सूची बनाएर परराष्ट्र मन्त्रालयमार्फत चीन सरकारलाई पठाएको छ ।
खरिद गर्दा तत्काल अत्यावश्यक उपकरण नआउने देखिएपछि मन्त्रालयले चीनसँग २० हजार थान एन ९५ मास्क, १०० थान पोर्टेबल भेन्टिलेटर, २ हजार थान मोनिटर, २० थान एबिजी मेसिन, २० थान भाइरल डिटेक्टिङ पिसिआर मेसिन, ५ थान अक्सिजन प्लान्ट मगाएकाे छ ।
त्यस्तै १० हजार थान रिएजेन्ट फर कोरोना भाइरस आइडेन्टिफिकेसन, २ हजार थान इन्ट्युवेटिङ सेट, ७ थान इन्फेक्सस डिजिज मोबाइल एम्बुलेन्स, २० थान सिआरआरटी मेसिन, २ हजार थान पिसिआर किट्स, १ हजार थान थर्मल थर्मोमिटर, १० थान थर्मो स्क्यानर, ५ थान मेडिकल सुविधासहितको मोबाइल एम्बुलेन्सलगायतका सामाग्री सरकारले माग गरेको छ ।
