क्लबमा गोलाबारी हुदाँ ६ घाइते,संदिग्ध पक्राउ नपरेको जानकारी

न्युयोर्क । अमेरिकामा अन्धाधुन्ध गोलीबारी भएको छ । अमेरिकाको ह्युस्टन सहरस्थित ट्याबु क्लब बाहिर आइतबार अन्धाधुन्ध गोलाबारी भएको हो । उक्त गोलाबरीमा ६ जनालाई गोली लागेको जनाएको छ । प्रहरी पार्किङ क्षेत्रमा पुग्दा ६ जनालाई गोली लागेको पाइएको थियो, जसमध्ये एकको अवस्था गम्भीर छ ।

घाइतेको शल्यक्रिया गरिएको छ । अभियुक्तको सुराक अहिलेसम्म फेला परेको छैन । ह्युस्टनका प्रहरी प्रमुख ट्रोय फाइनरले भीडभाड भएको पार्किङ स्थलमा कसैले गोली चलाएको बताए । हालसम्म कुनै पनि संदिग्धलाई पक्राउ नगरिएको उनले बताएका छन् ।

आइतबार बिदा भएकाले क्लबमा भीड लागेको थियो । घटनाको समयमा क्लबको पार्किङ क्षेत्रमा पनि ठूलो संख्यामा मानिसहरु जम्मा भएका थिए । यसैबीच अज्ञात व्यक्तिले गोली चलाउन थालेपछि उनीहरु भागेका थिए ।