खेलाडीको गोलीहानी हत्या

काठमाडौं । ब्राजिलमा एक जना खेलाडीको गोलीहानी हत्या गरिएको छ । ब्राजिलको एथलेटिक्स जिउ जित्सु च्याम्पियन लिएन्ड्रो लोको गोली हानी हत्या गरिएको हो । गोली प्रहार लगत्तै फरार भएकालाई प्रहरीको खोजी कार्य जारी राखेको छ । टाउकोमा गोली लागेका लोको उपचारको क्रममा अस्पतालमा मृत्यु भएको हो ।

उनलाई ब्राजिलको साउ पाउलोस्थित नाइट क्लबमा ड्युटीबाहिर रहेका प्रहरीले गोली हानी हत्या गरेको हो । उनको ब्रेरेन डेडका कारण मृत्यु भएको अस्पतालले जनाएको छ । ३३ वर्षीय लोले ब्राजिलका लागि ८ वर्षसम्म एथलेटिक्समा लगातार स्वर्ण पदक दिलाएका थिए ।