- १० भाद्र २०८३, बुधबार / Aug 26, 2026
दैलेख । चट्याङ लागेर दैलेखमा एकै परिवारका चार जना घाइते भएका छन् । सुतिरहेका बेला चट्याङ पर्दा दैलेखको डुङ्गेश्वर गाउँपालिका–२ मा एकै परिवारका चार जना घाइते भएका हुन ।
उनीहरु एम्बुलेन्सबाट उपचारका लागि दैलेख अस्पताल लगिएको छ । घाइते चारै जनाको अवस्था खतरामुक्त रहेको दैलेख अस्पतालले जनाएको छ ।
घाइते हुनेहरुमा डुङ्गेश्वर गाउँपालिका–२ लाँकुरीका २१ वर्षीय पारस विक, १६ वर्षीया हेमा विक, १७ वर्षीया पूर्णा विक र २० वर्षीया पुष्पा विक रहेका जिल्ला प्रहरी कार्यालय दैलेखले जनाएको छ ।
