- २९ श्रावण २०८३, शुक्रबार / Aug 14, 2026
म्याग्दी । अन्नपूर्ण गाउँपालिका–३ फुर्केरुख खर्कमा चट्याङ लागेर ४५ भेडा मरेका छन् । अन्नपूर्ण–३ ठाडाका छकबहादुर पुनको गोठमा चट्याङ परेको हो ।
गए राति परेको चट्याङले लागेर ४५ भेडा मरेको अन्नपूर्ण गाउँपालिकाको पशु सेवा शाखाका प्राविधिक प्रकाश जिसीले बताए । उनले भने, ‘बिहानै कृषकले ४५ भेडा मरेको जानकारी गराएपछि घटनास्थलतर्फ जाने तयारीमा छौँ ।’
खर्कमा बास बसेको ठाउँमा चट्याङ पर्दा गोठाला पनि सामान्य घाइते भएका छन् ।गाउँपालिकाका जनप्रतिनिधि, प्रहरी र जनप्रतिनिधिको टोली घटनास्थलतर्फ गएको छ ।
चट्याङले लाखौँको पशुधनको क्षति भएको वडासदस्य श्याम पुर्जाले बताए ।
