चालु आर्थिक वर्षमा हात्तीको आक्रमणबाट आठ जनाको ज्यान गयो

काठमाण्डौ । जङ्गली हात्तीको आक्रमणबाट झापामा एक वृद्धाको ज्यान गएको छ । झापाको मेचीनगर नगरपालिका–१० मा सोमबार जंगली हात्तीको आक्रमणबाट एक जना बृद्धाको मृत्यु भएको हो । हात्तीको आक्रमणबाट ८० वर्षीया पन्नादेवी साहको ज्यान गएको झापा प्रहरीले जनाएको छ ।

झापामा छ दिनअघि जङ्गलमा च्याउ टिप्न गएका हल्दिबारी गाउँपालिका–२ का ५३ वर्षीय गिरेन कर्मकारको हात्तीको आक्रमणबाट ज्यान गएको थियो । चालु आर्थिक वर्षमा मात्रै हात्तीको आक्रमणबाट आठ जनाको ज्यान गइसकेको डिभिजन वन कार्यालय झापाले जनाएको छ ।

पूजा गर्न फूल टिप्न जाने क्रममा शाहलाई हात्तीले कुल्चेर मारेको वडा झापा प्रहरीले जनाएको छ । सिलगुढी घर भएकी शाह एक वर्षअघिदेखि छोरीको घरमा बस्दै आएका थिए ।