चुनावको नजिकै भारत भासिदै स्थानीय

कैलाली । स्थानीय तह निर्वाचन नजिकिए पनि सुदूरपश्चिमबाट रोजगारीका लागि भारत जानेको संख्या दिनानुदिन बढ्दै छ । गौरी फन्टा नाका हुँदै भारत जानेको संख्या दैनिक १ हजार भन्दा बढी रहेको छ ।

भारतबाट नेपाल फर्किनेको संख्या पनि त्यतिकै छ । पाँच वर्ष कार्यकर्ता पोस्ने र भ्रष्टाचार गरेर मात्र बिताएको भन्दै मतदाता रोजगारीका लागि भारत लागेको बताइरहेका छन् । नेताहरूलाई भोट दिएर परिवार पाल्न नसकिने भन्दै भारत पस्न लागेको कैलालीको लम्किचुहा नगरपालिकाका भाष्कर जोशीले बताए ।

मुख्य नाका गौरीफन्टा भएर अहिले दैनिक नेपाल भित्रिने भन्दा बाहिरीनेको संख्या बढ्दै गएको हेल्थ डेक्सका इन्चार्ज गणेश साउदले बताए । निर्वाचनका लागि मनोनयन दर्ता गराएका उम्मेदवारहरूले निर्वाचनपछि मात्र कामको खोजीमा भारत जान आग्रह गर्दै आएपनि मजदुरीको खोजीमा उनीहरु बाहिरिनु परेको छ ।