- १८ असार २०८३, बिहीबार / Jul 2, 2026
काठमाडौं । त्रिभुवन अन्तर्राष्ट्रिय विमानस्थलबाट ९ किलो १३५ ग्राम सुनसहित क्यानडीनय नागरिक मोहम्मद कमाल माहगौब पक्राउ परेका छन् ।
त्रिभुवन विमानस्थल भन्सार कार्यालयको टोलीले गएराति दुबईबाट काठमाडौं ओर्लिएका माहगौबलाई एकसरे चेकजाँचको क्रममा आफ्नै शरीरमा सुन लुकाएको पाइएपछि पक्राउ गरिएको भन्सार कार्यालयले जनाएको छ ।
फ्लाई दुबईको एफ–२५७३ विमान मार्फत काठमाडौँमा ओर्लिएका माहगोव पहिलोपटक नेपाल आएको र उनको शरिरबाट प्लास्टिकमा प्याक गरी बोकेको सेमी लिक्युड सुन करिब ९ किलो १३५ ग्राम बरामद भएको महानगरीय प्रहरी वृत्त गौशालाले जनाएको छ ।
प्रहरी वृत गौशालाका अनुसार उनको केएमसी अस्पताल सिनामंगलमा स्वास्थ्य परीक्षण गरेर घट्नाबारे अनुसन्धान भइरहेको छ ।
