थप ९२७ जनामा कोरोना संक्रमण, ३६,४५६ पुग्यो संक्रमित संख्या, उपत्यकामा उच्च संक्रमण

काठमाडौं । नेपालमा थप ९२७ जनामा कोरोना भाइरसको संक्रमण देखिएको छ। यो सहित नेपालमा कोरोना संक्रमित हुनेको संख्या ३६ हजार ४५६ जना पुगेको छ। शुक्रबार काठमाडौंमा ३५०, ललितपुरमा ११ र भक्तपुरमा ५४ संक्रमित थपिएको स्वास्थ्य मन्त्रालयले जनाएको छ ।

उपत्यकामा एकै दिन ४१५ जना संक्रमित
उपत्यकामा ४१५ जना कोरोना संक्रिमत थपिएका छन् । योसँगै उपत्यकामा कोरोना भाइरसबाट संक्रमित हुनेको संख्या ४ हजार ८ सय २२ पुगेको छ । कोरोना संक्रमित हुनेको यो संख्या अहिलेसम्मकै बढी हो । नेपालमा हालसम्म १९५ जना कोरोना संक्रमितको मृत्यु भएको छ।