दुई करोड ५० लाख ठगी गरेको आरोपमा महिला पक्राउ

काठमाडौं । अपराधिक विश्वासघात गरेको आरोपमा एक महिला पक्राउ परेकी छन् । काठमाडौँ महानगरपालिका–१६ घर भएकी ५४ वर्षीया बिमला श्रेष्ठलार्इ प्रहरीले पक्राउ गरेको हो ।

महानगरीय प्रहरी परिसर काठमाडौंले महानगरपालिका–१६ बालाजुबाट पक्राउ गरेको हो । पीडितको नवलपरासी जिल्लास्थित जग्गा, जमिन खण्डीकरण र बिक्री गरी सो बापत दिनु पर्ने २ करोड ५६ लाख रूपैयाँ नदिई फरार रहेकी थिइन् ।

उनलाई आवश्यक अनुसन्धान तथा कारबाहीको लागि जिल्ला प्रहरी कार्यालय नवलपरासी पठाइएको प्रहरीले जनाएको छ ।