नारायण नगरपालिका दैलेख सिल

दैलेख । नारायण नगरपालिका दैलेखका नगरप्रमुख रत्नबहादुर खड्कासहित १२ जना कर्मचारीमा कोरोना संक्रमण देखिएपछि नगरपालिकाले सबै सेवा बन्द गरेको जनाएको छ ।

एक साताका लागि ११ वटै वडाका काम बन्द गरिएको प्रमुख प्रशासकीय अधिकृत रेशम बुढाले बताए ।जनप्रतिनिधि, वडामा कार्यरत कर्मचारीमा कोरोना संक्रमण देखिएपछि संक्रमण समुदायमा फैलन नदिन सेवा बन्द गरिएको हो । संक्रमण बढ्दै गएकोले नगरवासीलाई अत्यावश्यक कामबाहेक घरबाहिर ननिस्कन अनुरोध गरिएको छ ।

दैलेख सदरमुकामभित्र काम गरिरहेका स्वास्थ्यकर्मी, सुरक्षाकर्मी, सञ्चारकर्मी, व्यापारी र होटेल व्यवसायीमा तीव्र रूपमा कोरोना फैलिएको भन्दै रुघाखोकी र ज्वरो आएका सबैमा शतप्रतिशत कोरोना संक्रमण देखिएको स्वास्थ्य सेवा कार्यालय दैलेखले जानकारी दिएको छ ।