पर्यटक बस राजमार्गमा पल्टिँदा मेक्सिकोमा १८ जनाको मृत्यु

एजेन्सी । पर्यटक बस राजमार्गमा पल्टिँदा मेक्सिकोको पश्चिमी राज्य नायरिटमा कम्तीमा १८ जनाको मृत्यु भएको छ । दुर्घटनामा ३३ जना घाइते भएका छन् । “शनिबार राति १५ मिटर गहिरो खाल्डोमा गाडी खस्दा त्यसमा सवार ११ महिला र सात पुरुषको मृत्यु भएको छ भने घाइतेलाई राज्यका तीन वटा अस्पतालमा उपचारका लागि पठाइएको छ ।” नायरित राज्यका महान्यायाधिवक्ताको कार्यालयले जारी गरेको विज्ञप्तिमा भनिएको छ ।

पर्यटक बस मध्य जालिस्कोको ट्लाजोमुल्कोबाट नायरिटको समुद्री किनारको गन्तव्य ग्वायाबिटोसतर्फ प्रस्थान गरिरहेको समय दुर्घटनामा परेको स्थानीय अधिकारीले जनाएका छन् ।