पहिरो खस्दा चालकको मुत्यु

प्यूठान । सडक निर्माण गर्ने क्रममा बाटोमाथिबाट पहिरो खस्दा च्यापिएर जेसिबी चालकको मुत्यु भएको छ ।

माण्डवी गाउँपालिका–१ डामृखोलास्थित तिरामबाट दाङ जाने मदनमणि लोकमार्गमा सडक निर्माण गर्ने क्रममा माथिबाट आएको पहिरोले पुरिँदा सीतगङ्गा नगरपालिका–८ लापे अर्घाखाँचीका ४० वर्षीय नर्सिङ बुढामगरको मृत्यु भएको हो ।

पहिरोले जेसिबी पनि पुरेको जिल्ला प्रहरी कार्यालय प्यूठानका प्रहरी निरीक्षक विष्णुप्रसाद पौडेलले बताए ।