पाँच लाखसहित १६ जुवाडे पक्राउ

काठमाडौं । बुढानिलकण्ठबाट १६ जना जुवाडै पक्राउ परेका छन् । महानगरीय प्रहरी वृत्त बौद्धको टोलीले शुक्रबार राति नगरपालिका ११ पौटार गैरीगाउँबाट प्रहरीले ५ लाख ११ हजार ५ सय रुपयाँसहित पक्राउ गरेको हो। जग्गा भाडामा लिएर टहरा बनाई जुवा खेलिरहेको भन्ने सूचनाका आधारमा प्रहरीले नगदसहित पक्राउ गरेको हो ।

सुमन खड्काले तरकारी खेतीका लागि टहरा बनाए बुझिएको छ । पक्राउ पर्नेमा गोकर्णेश्वर नगरपालिका ४ का कमल परियार, श्रीराम श्रेष्ठ, रोशन पौडेल, नवराज श्रेष्ठ, बुढानिलकण्ठ नगरपालिका ११ का गणेश उप्रेती, कुमार केसी, मिलन तामाङ, दिनेश पौडेल, सन्जिव खड्का, दामोदर पौडेल, मुकुन्द खड्का, राजु गिरी, विवेक कार्की, प्रल्हाद खड्का र कालीचरण चौधरी छन्।

जुवाडेबाट १६ थान कौडासमेत बरामद भएको महानगरीय प्रहरी वृत्त बौद्धका प्रहरी नायब उपरीक्षक ढुण्डीराज न्यौपानेले बताए ।