पाकिस्तानमा भएको विस्फोटमा एक बालकसहित दुई जनाको मृत्यु

एजेन्सी । पख्तुनख्वा प्रान्तमा आइतबार भएको विस्फोटमा एक बालकसहित दुई जनाको मृत्यु भएको छ । पाकिस्तानको उत्तरपश्चिम पख्तुनख्वा प्रान्तमा विस्फोटमा एक जना बालक सहित दुई जनाको मृत्यु भएको हो । घटनामा अन्य तीन जना घाइते भएको प्रहरीले जनाएको छ।

अहिलेसम्म आक्रमणको जिम्मेबारी कुनै पनि समूह वा व्यक्तले नलिएको प्रहरी स्रोतले जनाएको छ। थप अनुसन्धानका लागि सम्बन्धित क्षेत्रलाई घेराबन्दी गरिएको प्रहरीले जनाएको छ। प्रहरीका अनुसार विस्फोट पख्तुनख्वा प्रान्तको लक्की मरावत जिल्लास्थित एक गाँउमा भएको हो। घाइतेहरूलाई उपचारका लागि नजिकैको अस्तपालमा लगिएको समेत प्रहरीले जानकारी दिएको छ।