- २८ बैशाख २०८३, सोमबार / May 11, 2026
पोखरा । इलाका प्रशासन कार्यालय लोमान्थाङ र चराङले चीन छिर्ने पास वितरण गरेका छन् । पास वितरण गरेपछि मुस्ताङका करिब १ हजार जना नागरिक चीन प्रवेश गर्ने छन् । यहाँका नागरिकहरू कोरला नाका हुँदै चीन जान पाउँछन् । लोमान्थाङ र लो घेकर दामोदर कुण्ड गाउँपालिकाका बासिन्दालाई बोर्डर पास वितरण गरिएको छ ।
लोमान्थाङबाट ६ सय ५० जनाले पास लिएका छन् भने चराङबाट ३ सय ४८ हाराहारीले पास पाएको जिल्ला प्रशासन कार्यालय मुस्ताङले जनाएको छ । यसअघि पास लिनका लागि आवश्यक कागजातसहित निवेदन दिने भनेको थियो । प्रक्रिया र कागजात पुगेकालाई मात्रै पास दिइएको जिल्ला प्रशासन कार्यालयले जनाएको छ ।
लो घेकरमा ४ सय जनाले पास बनाउन निवेदन दिएका छन् । तर सबैले पास पाएका छैनन् । पास वितरणसँगै नेपाल र चीनको समकक्षी बैठक कोरला नाकामा बसेको छ ।
