प्रदेश नामाकरण गरेको उपलक्ष्यमा कोशी प्रदेशमा सार्वजनिक बिदा

काठमाडौं । कोशी प्रदेशमा बिहीबार सार्वजनिक बिदा दिइएको छ । प्रदेश सरकारको बुधबार बसेको बैठकले प्रदेश नामाकरणको खुशियालीमा बिहीबार प्रदेशभर सार्वजनिक बिदा दिने निर्णय गरेको हो । बुधबार बसेको प्रदेश सभा बैठकले प्रदेश १ को नाम ‘कोशी’ राख्ने निर्णय गरेको थियो ।

प्रदेशभित्रका सबै सरकारी कार्यालय, सार्वजनिक संस्थान, प्रतिष्ठान र शैक्षिक संस्थाहरुमा सार्वजनिक बिदा दिइएको कोशी प्रदेशको आन्तरिक मामिला तथा कानुन मन्त्रालयले जनाएको छ । अन्य प्रदेशले पहिले नै प्रदेशको नामाकरण सकाए पनि प्रदेश एकले बुधबार मात्रै प्रदेशको नाम टुङ्गो लगाएर कोशी प्रदेश नामाकरण गरेको हो ।