प्रधानमन्त्रीले सागको शुभारम्भ आइप्याडमा हेरे

काठमाडौं । उपचाररत प्रधानमन्त्री केपी शर्मा ओली शल्यक्रियाको एक साता पुग्दा सामान्य हिँडडुल गर्न थालेका छन् । आइतबार साँझ दशरथ रंगशालामा भव्य रुपमा उद्घाटन भएको १३ औं दक्षिण एसियाली खेलकुदको उद्घाटन समारोहको लाइभ उनले आइप्याडमा हेरेका छन्।

खेलाडीहरूलाई निकै मनपराउनु हुने भएकाले अस्पतालको शैयाबाटै प्रधानमन्त्रीले सागको शुभारम्भ हेरेको प्रेस सल्लाहकार सूर्य थापाले बताए । मंगलबाट एपेन्डिसाइटिसको शल्यक्रियापछि प्रधानमन्त्री ओली मनमोहन कोर्डियोथोरासिक भास्कुलर तथा ट्रान्सप्लान्ट सेन्टरको सघन उपचार कक्षमा उपचाररत छन्।

उपचारमा सुधार भएपछि ठोस आहार खुवाउन सुरु गरिएको प्रधानमन्त्री ओलीको उपचार टोलीका संयोजक डा.अरुण सायमीले जानकारी दिए।