- १० आश्विन २०८३, शनिबार / Sep 26, 2026
काठमाडौं । बंगलाचुली गाउँपालिकाको अध्यक्षमा माओवादी केन्द्रका तुलसीराम पुन (सुवास) र उपाध्यक्षमा नेपाली कांग्रेसका भक्तबहादुर जीसी निर्वाचित भएका छन् ।
अध्ययक्ष पुनले ५ हजार ७ सय ४९ मत ल्याई निर्वाचित भए भने निकटम प्रतिस्पर्धी नेकपा एमालेका भेषराज खत्रीले ३ हजार ७ सय ७८ मत प्राप्त गरे। यस्तै उपाध्यक्षमा नेपाली कांग्रेसका भक्तबहादुर जिसी विजयी भएका छन् ।
उनले ५ हजार ९ सय ४५ मत ल्याएका छन् । एमालेकी उम्मेदवार सरस्वती घर्तीले ३ हजार २६५ मत पाइन् ।२०७४ को स्थानीय तह निर्वाचनमा अध्यक्ष र उपाध्यक्ष दुवै पद माओवादी केन्द्रले जितेको थियो ।
आठ वटा वडाहरुमध्ये कांग्रेस र माओवादीले चार–चारवटा वडा जितेका छन् । बंगाचुलीमा कूल १० हजार ७०० मत खसेको थियो ।
