बागमती प्रदेश सभाको उपसभामुखमा नेमकिपाको तर्फबाट गीता काफ्लेको उम्मेदवारी दर्ता

हेटौंडा । बागमती प्रदेश सभाको उपसभामुख पदमा नेपाल मजदुर किसान पार्टीले उम्मेदवारी दर्ता गरेको छ । माघ २ गते हुने बागमती प्रदेश सभा उपसभामुख निर्वाचनका लागि नेपाल मजदुर किसान पार्टीले प्रदेश सभा सदस्य गीता काफ्लेको उम्मेदवारी दर्ता गराएको हो ।

बागमती प्रदेश सभामा प्रजातान्त्रिक अभ्यास गर्न नछोड्ने नेपाल मजदुर किसान पार्टीले जनाएको छ । गठबन्धनले प्रजातन्त्रको घाटी निमोठने काम गरेकाले नेपाल मजदुर किसान पार्टीले प्रजातन्त्रको सुन्दर पक्षलाई जोगाइ राख्ने र प्रतिगमन विरुद्ध सघै अग्रमोर्चामा कार्य सम्पादन गर्न बताएको छ ।