बारामा प्रहरीको गोली लागेर एक जनाको मृत्य

बारा । प्रहरी र कर्मचारीबीच झडप हुदा प्रहरीको गोली लागेर १ जनाको मृत्यु भएको छ । सिम्रौनगढ नगरपालिकामा १ का २५ बर्षीय लक्ष्मी मुखिया बिनको मृत्यु भएको बाराका प्रमुख जिल्ला अधिकारी नवराज सापकोटाले कैलाश खबरलाई बताए । झडपमा एक जना गम्भीर घाइते भएका छन् ।

मृतकको टाउकोमा गोली लागेको हो । उनको घटनास्थलमै मृत्यु भएको प्रत्यक्षदर्शीले बताएका छन । घाइते एक जनाको नारायणी अस्पतालमा उपचार भइरहेको प्रहरीले बताएको छ । प्रमुख प्रशासकीय अधिकृतलाई नगर प्रमुख किशोरी साह कलवारले हाजिर गराउन लिएर जाने क्रममा कर्मचारीहरुले हाजिर गर्न नदिएपछि विवाद भएको थियो ।

विवाद वढ्दै जाँदा झडप भएको थियो । स्थितिलाई नियन्त्रण लिन प्रहरीले हवाइ फायर गरेको थियो । प्रहरीमाथि ढुङ्गामुढा प्रहार गर्दा प्रहरीले गोली चलाएको बुझिएको छ । झडपमा १० जना प्रहरी घाइते भएको प्रहरी उपरीक्षक सुरेश काफ्लेले बताए । नगरपालिकामा कार्यरत स्थायी, करार र ज्यालादारी कर्मचारीले तलव नपाएपछि आन्दोलन गरेको जिकिर गरेका छन् ।