- २४ भाद्र २०८३, बुधबार / Sep 9, 2026
भक्तपुर । गत आइतबार मृत्यु भएकी मायादेवी शाक्यको शव नबुझ्ने माइतीपक्षले जनाएका छन् । मायादेवी शाक्यलाई मारिएको हुनसक्ने आशंकामा दोषी पत्ता नलागेसम्म आफूहरुले शव नउँठाने माइतीपक्षले जनाएका हुन । गत आईतबार विहान सूर्यविनायक नगरपालिका वडा नं ५ सृजना नगरमा रहेको आफ्नै घरको ओछ्यानमा सुतेकै अवस्थामा मृत्यु भएको भन्दै मृतक शाक्यका श्रीमान् दानकाजी शाक्यले माइतीपक्षलाई खबर गरेका थिए ।
शाक्यको मृत्युको खबर पाएका माइतीपक्षले पोष्ट मार्टमकालागि काठमाडौं मेडिकल कलेज (केएमसी) दुवाकोट लगेसंगै उनको मृत्यु स्वाभाविक मृत्यु नभएको आशंका गरेका थिए ।
मृतक शाक्यको अनुहार, घाटी, मुख, छाती लगायतका भित्री अंगहरुमा समेत चोट देखिएकाले उनको मृत्यु प्राकृतिक नभई कसैले हत्या गरेको हुन सक्ने माइती पक्षको ठहर छ । माइती पक्षले दोषी पत्ता नलगाएसम्म मायादेवीको लाश नबुझने बताउँदै छानविन गर्न माग गरेका छन् ।
सृजना नगरमा गत आईतबार उनको मृत्यु भएको हो । सोमबार गरेको पोष्टमार्टम रिपोर्टमा निसासिएर मृत्यु वरण गरेको विवरण आएपछि उनका माइतीपक्षले सत्य तथ्य छानविन गरी दोषिलाई कार्वाही गर्न आग्रह गरेका छन् ।
