भरतपुरको उपमेयरमा कांग्रेसका चित्रसेन विजयी

चितवन । भरतपुर महानगरपालिकाको उपमेयर पदमा नेपाली काँग्रेसका उम्मेदवार चित्रसेन अधिकारी विजयी भएका छन् ।चित्रसेनले ४७ हजार २ सय २८ मत पाएर विजयी भएका हुन् ।

मतगणना नसकिँदै उनको जित सुनिश्चित भएको हो । १ लाख २७ हजार ५ सय ६६ मत खसेको भरतपुरमा १ लाख १३ हजार ८७७ मत गणना सकिएको छ । अब १३ हजार ६८९ मत गन्न बाँकी छ ।

हालसम्म अधिकारीले १९ हजार बढी मतान्तर बनाइसकेकाले मतगणना सकिनुअघि नै उनी विजयी भएका हुन् । मतगणनामा अधिकारीले आफ्ना प्रतिद्वन्दीसँग १९ हजार ५१४ को मतान्तर बनाएका छन् । यस्तै भरतपुरमा मेयर उम्मेदवार रेनु दाहाल जित नजिक पुगेकी छन् ।