- ६ कार्तिक २०८३, शुक्रबार / Oct 23, 2026
हेटौंडा । उपमहानगरपालिका–२ स्थित मकवानपुर बहुमुखी क्याम्पसलाई बागमती प्रदेशको सार्वजनिक विश्वविद्यालय बनाउने सहमति भएको छ ।आइतबार बसेको सर्वदलिय–सर्वपक्षिय बैठकले मकवानपुर क्याम्पसलाई प्रदेश विश्वविद्यालय बनाउने सहमति दिएको हो ।
मकवानपुर बहुमुखी क्याम्पसलाई प्रदेशको केन्द्रिय क्याम्पसका रूपमा विकास गर्ने लक्ष्यसहित प्रदेश सरकार अघि बढेको बागमती प्रदेशका मुख्यमन्त्री शालिकराम जम्कट्टेलले बताए ।
प्रदेश सरकारको पैसा सकेसम्म भौतिक संरचनामा खर्च नगरी बनेकै संरचनामा विश्वविद्यालय स्थापना गर्न जोड दिएको स्पष्ट पारे । विज्ञहरुले दिएको सुझावका आधारमा कृषि, स्वास्थ्य र प्राविधिक विषयलाई प्राथमिकता दिने मुख्यमन्त्री जम्कट्टेलले बताए ।
क्याम्पस विश्वविद्यालयको जिम्मेवारी वहन गर्न तयार रहेको मकवानपुर बहुमुखी क्याम्पस सञ्चालन समितिका अध्यक्ष अनन्त पौडेलले बताए । छलफलमा सहभागीले मकवानपुरमा प्रदेश विश्वविद्यालय स्थापना हुनु गौरवको विषय रहेको बताएका थिए ।
