कारोनाको कहर जस्तै पूर्वीनाका काँकडभिट्टा पर्यटकीय गतिविधिमा ठप्प

काठमाण्डौ । पानीटङ्कीको अध्यागमन कार्यालयले भारतबाट पर्यटकलाई नेपाल जाने अनुमति दिएको छैन । अनुमती नदिएपछि पूर्वीनाका काँकडभिट्टाबाट पर्यटकको आगमन ठप्प भएको छ ।
भारतीय अध्यागमनको नीतिका कारण काँकडभिट्टाबाट पर्यटक आगमन ठप्प भएको जनाएको छ ।

विगतमा ठूलो सङ्ख्यामा तेस्रो देशबाट पर्यटक यो नाका भएर भित्रिने गरे पनि अहिले चलहलपहल ठप्पप्राय रहेको छ । बङ्गलादेश र अन्य तेस्रो देशका पर्यटक काठमाण्डौ हुँदै पूर्वी नेपाल घुम्न पुग्ने गरेका छन् ।
कोभिड–१९ को महामारीका बेला २०७६ चैतदेखि काँकडभिट्टासहित नाका बन्द भएका थिए । तर अहिले नाका खुलेपनि काँकडभिट्टासँग जोडिएको यो नाकाबाट पर्यटक आवगमन ठप्प रहेको छ ।

भारतको पश्चिम बङ्गाल राज्यको अध्यागमन चेकपोस्ट रानीगन्जले सीमावर्ती पानीटङ्की नाकाबाट भुटानी, नेपाली विद्यार्थी र प्रवासी भारतीय नागरिक प्रमाणपत्र (ओसीआई) भएका पर्यटकलाई मात्र नेपाल जाने प्रवेशाज्ञा दिने गरेको मेची भन्सार कार्यालय काँकडभिट्टाले जनाएको छ ।