- १६ श्रावण २०८३, शनिबार / Aug 1, 2026
भक्तपुर । भक्तपुरका ३ वटा नगरपालिकामा मत गणना सकिएको छ भने एउटा नगरपालिकामा मत गणना जारी रहेको छ । मध्यपुर थिमि नगरपालिका,भक्तपुर नगरपालिका, चाँगुनारायण नगरपालिकामा मतगणना सकियो भने सूर्यविनायक नगरपालिकामा मत गणना जारी रहेको भक्तपुरका प्रमुख जिल्ला अधिकारी रुद्रादेवी शर्माले जानकारी दिनुभएको हो ।
प्रमुख जिल्ला अधिकारी शर्माले भक्तपुरमा शान्तिपूर्ण रुपमा निर्वाचन सम्पन्न भएको बताउदै सबै सुरक्षा निकायलाई धन्यवाद दिनुभयो । उहाँले भक्तपुरका ४ वटा नगरपालिका मध्ये ३ वटा नगरपालिकामा मत गणना सकिएर मत परिणाम सार्वनजनिक भएको जानकारी दिदै सूर्य विनायक नगरपालिकाको पनि मत गणना अन्तिम चरणमा पुगेको जानकारी दिनुभयो ।
सुरुमा अनुभव नभएकाले पनि ढिला मत गणना भएपनि पछि भने दु्रत रुपमा मत गणना भएको प्रमुख जिल्ला अधिकारी शर्माको भनाई छ । भक्तपुरका चार नगरपालिका मध्ये मध्यपुुर थिमि नगरपालिका प्रमुखमा काँग्रेस, चाँगुनारायण नगरपालिका प्रमुखमा काँग्रेस, भक्तपुर नगरपालिकामा नेमकिपाले प्रमुखमा जित हासिले गरेको छ भने सूर्यविनायक नगरपालिकाको मत परिणाम आउन बाँकी रहेको छ । भिडियो सहित ..
