- ८ भाद्र २०८३, सोमबार / Aug 24, 2026
काठमाडौं । दोलखा जिल्लाको वैतेश्वर गाउँपालिका अध्यक्षमा नेपाली काँग्रेसका छवि लामा अत्यधिक मतले विजयी भएका छन् । नेकपा एमालेलाई पछिपार्दै लामा दोस्रो कार्यकालका लागि विजयी भएका हुन ।
लामाले ५ हजार २ सय ९९ मत ल्याउन सफल भएका हुन भने प्रतिद्धन्दी नेकपा एमालेका माधव प्रसाद घिमिरेले ३ हजार १ सय ७२ मत प्राप्त गरे।
वैतेश्वर गाउँपालिका उपाध्यक्षमा नेपाली काँग्रेसकै कल्पना उप्रेती निर्वाचित भएकी छन् । उनले ५ हजार २ सय ७३ मत प्राप्त गरेकी छन् । गाउँपालिका वडा नं १ मा नेपाली काँग्रेसका भिम बहादुर तामाङ १ हजार ९ सय १९ मत ल्याएर अध्यक्षमा निर्वाचित भएका हुन् ।
त्यस्तै वडा नं २ मा श्याम कुमार तमाङ घिसिङ ५ सय ५७, वडा नं ३ मा कमल अधिकारी ९ सय २८ मत प्राप्त गरी विजयी भएका छन् । वडा नं ४ मा नेकपा एमालेका कुमार चौलागाईं ८ सय ६९ मत प्राप्त गरी वडाध्यक्षमा निर्वाचित भएका छन् ।
वडा नं ५ मा नेकपा माओवादी केन्द्र, वडा नं ६ मा नेपाली काँग्रेस, वडा नं ७ मा नेकपा माओवादी केन्द्र र वडा नं ८ मा नेकपा एमाललेका उम्मेदवार निर्वाचित भएका छन् । यस अघि २०७४ सालको स्थानीय तह निर्वाचनमा अध्यक्ष लामाले ७ हजार १ सय ७९ मत प्राप्त गरी विजयी भएका थिए ।
