आँधीका कारण जनजीवन प्रभावित

काठमाडौं । आँधीका कारण इराकमा जनजीवन प्रभावित बनेको छ । आँधीले सयौं घरका छानाहरू उडाएकाले जनजीवन प्रभावित बनेको हो । आँधीले उडाएको धुलोले सडक र आकाश ढाकेपछि मानिसहरूलाई स्वास प्रस्वासमा समस्या भएको जनाइएको छ । आँधिका कारण विमानस्थल, सडक यातायात विद्यालय, कलेज पूर्ण रुपमा बन्द गरिएको छ।

आँधी चल्ने क्रम अझै केही दिन रहने र त्यसले थप क्षति पुर्याउन सक्ने भन्दै सरकारले अपील समेत गरेको छ । राजधानी बग्दाद लगायत १८ वटा प्रान्तमा आँधीको प्रभाव परेको छ । ४ हजार जना मानिसलाई अस्पताल भर्ना गरिएको छ भने हजारौंको बिचल्ली भएको छ।