महामारीको स्थिति भयावह हुदै, काेराेनाविरुद्धको लडाईंमा काठमाडौं पछि सर्यो : मन्त्री ज्ञवाली (भिडियाेसहित)

काठमाडौं । परराष्ट्रमन्त्री प्रदीपकुमार ज्ञवालीले कोरोना भाइरसको महामारी काठमाडौंमा भयावह दुदै जाने बताएका छन् । तर महामारीविरुद्धको लडाईंमा काठमाडौं पछि सरेको भान भएको बताएका छन् ।

मन्त्रिपरिषदको निर्णय सार्वजनिक गर्न आयोजित नियमित पत्रकार सम्मेलनमा उनले सामाजिक परिवर्तनको नेतृत्व गर्ने काठमाडौं महामारीविरुद्धको लडाईमा पछि परेको जिकिर गरे । देशलाई नमुना दिने, दृष्टान्त प्रस्तुत गर्ने राजधानी कता कता महामारीविरुद्धको लडाईंमा पछाडि परेको जस्तो देखिँदैछ’ उनले भने ।काठमाडौंको व्यवस्थापनमा गम्भीर चुनौती देखिएको भन्दै मन्त्री ज्ञवालीले आम नागरिक, जनप्रतिनिधि र संघ संस्थालाई कोरोना महामारी नियन्त्रण गम्भिर बन्न आग्रह गरे ।

बाँके, कपिलवस्तु, वीरगञ्जजस्ता ठाउँमा अपनाइएको अभ्यास काठमाडौंमा गर्न जरुरी रहेको बताए । भाइरस अनियन्त्रित बनेमा अवस्था झन भयावह हुने भन्दै संक्रमितको संख्या बढ्दै गएमा स्वास्थ्य संरचनाले धान्न नसक्ने बताए । कोरोना महामारीलाई हल्का ढंगले लिन नहुने भन्दै १० लाख ५० हजार भन्दा बढीको ज्यान लिने रोग सामान्य नभएको बताए । त्यसैले यस वर्ष दसैँलगायतका चाडवाड उल्लासका साथ मनाउने अवस्था नभएको भन्दै ज्ञवालीले आफ्ना अभिभावक र मान्यजनलाई कोरोनाबाट जोगाउन सबै सचेत हुनुपर्ने बताए ।

भिडियाे हेर्न यहाँ थिच्नुस…

https://www.facebook.com/Kailashkhabarnews/videos/342204643522363/