- ३० भाद्र २०८३, मंगलवार / Sep 15, 2026
काठमाडाैं । नेपाल उद्योग वाणिज्य महासंघका उपाध्यक्ष तथा आईएमई ग्रुरुपका अध्यक्ष चन्द्र ढकाल कोरोना मुक्त हुनु भएको छ । शनिवार गरिएको स्वाब परीक्षणको रिपोर्ट नेगेटिभ आएपछि कोराना मुक्त भएको सामाजिक सञ्जालबाट ढकालले सार्वजनिक गर्नुभएको हो । ढकालले दुई हप्ता गुप्तबासको अवधिमा आफ्नो स्वास्थ्यप्रति चासो र चिन्ता व्यक्त गरी स्वास्थ्यलाभको कामना गर्ने देशका विभिन्न क्षेत्रका महानुभावहरु, नेपाल उद्योग वाणिज्य महासंघसहित देशका समग्र व्यवसायी एवं सबैप्रति कृतज्ञ रहेको उल्लेख गर्नुभएको छु ।
ढकालले सामाजिक सञ्जालमा भन्नुभएको छ “यहाँहरुको सद्भाव, शुभेच्छा र मायाले नै मैले कोभिड भाइरसलाई परास्त गर्न सकेको महसुस गरेको छु” यसबीचमा यहाँहरुको फोन रिसिभ गर्न तथा एसएमएस आदिको जवाफ लेख्न असमर्थ भएकोमा सबैप्रति क्षमाप्रार्थी रहेको अध्यक्ष ढकालले लेख्नु भएको छ । महामारीको अवस्थामा स्वदेश तथा संसारभरि रहेका नेपाली दिदीबहिनी तथा दाजुभाइहरुलाई स्वास्थ्य सजगता र सतर्कता अपनाउदै सपरिवार सुरक्षित रहन ढकालले आग्रह गर्नुभएको छ ।
कारोना भाइरस (कोभिड १९) बाट संक्रमित भई उपचार गराइरहेका सबैको शीघ्र स्वास्थ्य लाभको कामना समेत ढकालले गनुभएको छ । अध्यक्ष ढकालले आफ्नो उपचारमा संलग्न चिकित्सक तथा स्वास्थ्यकमीहरु, आफ्नो परिवारका सदस्य तथा आफन्तजनहरुको सहयोगको सराहना गर्दै सबैलाई धन्यवाद समेत दिनुभएको छ ।
